Кампови за обука на атеисти

Дали во Македонија се потребни кампови за едукација на атеисти како што е тоа случај на Западот ?

.
.
Камп за атеисти
29.06.09 15:43
Живот


Доколку сакате да го одгледате своето дете во атеистички дух, тогаш можете да го пратите во летен камп кај Ричард Докинс, вели лондонски Times, кој пишува за најновата активност на најпознатиот светски атеист и бескомпромисен бранител на Дарвиновата теорија за еволуцијата.

Имено, славниот еволуциски биолог Докинс, автор на бестселерите „Себичен ген“ и „Илузија за Бог“, од 27 до 31 јули во Сомерсет, југозападна Британија, ќе организира прв атеистички камп за деца и момчиња на возраст до 17 години.

„Сакам да ги охрабрам ДЕЦАТА ДА МИСЛАТ СО СВОЈА ГЛАВА, ЗА ДА БИДАТ РАЦИОНАЛНИ И СКЕПТИЧНИ . Мојата намера е да ги обезбедам со ОРУДИЕ ЗА РАЗМИСЛУВАЊЕ , А НЕ СО ГОТОВИ МИСЛИ“, изјави Докинс кој веќе неколку месеци е професор во пензија на Оксфорд, каде со години предаваше на катедрата за јавно разбирање на науката.

Пензионирањето за Докинс не значи и повлекување од јавноста, па од почетокот на годината привлече внимание како еден од организаторите на атеистичката кампања во европските градови. Во склоп на таа кампања на јавните градски автобуси во неколку градови, вклучувајќи ги и Лондон, Барселона и Џенова, се појавија натписи со пораката: „ЛОШАТА ВЕСТ Е ДЕКА НЕ ПОСТОИ ГОСПОД . ДОБРАТА ВЕСТ Е ДЕКА НЕ ТИ Е ПОТРЕБЕН “.

Првиот британски АТЕИСТИЧКИ КАМП ЗА ДЕЦА се организира во соработка со американската иницијатива Cam Quest. Станува збор за иницијатива која во 1996 година ја основале американскиот адвокат Едвин Кагин за децата кои се „АТЕИСТИ , АГНОСТИЦИ , СЛОБОДОУМНИ , токму како и сите оние КОИ ГО ПОДДРЖУВААТ РАЦИОНАЛНИОТ , А НЕ ИРАЦИОНАЛНИОТ ПОГЛЕД НА СВЕТОТ “. Тие летни кампови се одржуваат во пет американски држави, како и во Онтарио, Канада.

Во склоп на првиот атеистички камп во Британија децата претпладне ќе имаат увид во еволуциската биологија и моралната филозофија, и ќе расправаат за феномените како телепатијата и круговите во житата. Попладнињата се резервирани за слободни активности кои се вообичаени за сите детски летни кампови, како што е возење велосипед и пливање.

http://www.okno.mk/node/1337

Другар ова е интересно. Кај нас мислам дека ќе помине време додека се организираат вакви кампови но те охрабрувам доколку си заинтересиран да организираш а ако сакаш и со наша(Анархистички Фронт) помош на некоја дебата за Атеизам, Агнистицизам, религија и сл...

И мене како симпатизер на Кристофер Хиченс ме интересира истото што го спомна другарот Анархист. Поздрав!

Не ми се свиѓа идејава.

ateist напиша:
Доколку сакате да го одгледате своето дете во атеистички дух, тогаш можете да го пратите во летен камп кај Ричард Докинс, вели лондонски Times, кој пишува за најновата активност на најпознатиот светски атеист и бескомпромисен бранител на Дарвиновата теорија за еволуцијата.

Како прво звучи како понуда на Топ Шоп.
Како второ, ова би било исто како задолжително посетување на црква во недела или како протестансткиот допишувачки курс за деца `Истражувачи`кој и самата јас го следев благодарение на моите родители кои сакаа да си го одгледаат детето на `правилен` начин. Повеќе ќе сакав моите родители да ми пренесеа некои вредности од нив од колку да ми посочуваа верски курсеви или па да ме праќале по атеистички кампови(ова зависно од религиозната определба на родителот)
Како трето, какви деца би биле производ на курсов? -I'm an atheist debate me?!