Веган рецепти

Ја отварам темава не затоа што сум веган (иако се трудам колку што можам да избегнам месо, не купувам кожа или крзно, не купувам свесно производи кои се тестирани на животни). Значи, често си готвам веган храна и напињам дома да јадеме што помалку месо. Сметам дека немам доволно идеји за вегетеријански и веган рецепти, како јас, така и некои луѓе. Мислам дека темава добро ќе ни дојде на сите
Поддршка за веганизмот и здравата исхрана! *Си каснува од америчкиот батак и продолжува*


Динстани зеленчуци (Моето омилено)

Можете да ставите било кој зеленчук го имате во моментот. Јас обично правам овака:
Прво се динста кромид, лук, праз.
Потоа се додава морков, компир, боранија, пченка, грашок, брокула, карфиол, ориз. Се посолува и се додава околу 200 мл вода, не повеќе, затоа што зеленчукот се вари во својот сок. Го поклопуваме со капак и оставаме да се вари на тивок оган со повремено мешање. Пред целосно да се свари зеленчукот, може да се додатат пиперки, зелка, домати. На крај се зачинува со бибер и малку магдонос.



Боранија на медитерански начин

- Половина кгр. боранија
- 1 лажица маслиново масло
- главица кромид
- и чешне лук
- 500гр. домати
- лажица зачин
- 2 лажици исечкан босилек
- магдонос

Боранијата се чисти, се мие и се вари во солена вода 15-20 мин. На маслиновото масло со малку вода се динста исечканиот кромид, исечканите домати во коцки, сето тоа се посипува со зачин и се остава на тивок оган 10-тина мин. Сварената и исцедена боранија се вмешува во сосот од домати и се додаваат магдоносот и босилекот.